ХЭСГИЙН АХЛАГЧДЫН ЗӨВЛӨЛДӨХ УУЛЗАЛТ-2015

2015-12-22

Чингэлтэй дүүргийн 19 хорооны 186 хэсгийн ахлагчдын Зөвлөлдөх уулзалт-2015 арга хэмжээ 2015 оны 12 дугаар сарын 21-ний өдрийн 16.00 цагт боллоо.Уг зөвлөгөөнд дүүргийн ИТХ-ын дарга Д.Бат-Эрдэнэ, Засаг дарга Д.Ганболд, дүүргийн ЗДТГ-ын дарга Ж.Эрдэнэбат, хэлтэс, албадын болон 19 хорооны Засаг дарга нар оролцлоо. Зөвлөгөөнөөр 2015 онд Тамгын газраас хийж хэрэгжүүлсэн ажлын талаар дүүргийн Засаг даргын Тамгын газрын дарга Ж.Эрдэнэбат мэдээлэл хийлээ. Мөн Чингэлтэй дүүргийн ИТХ-ын дарга Д.Бат-Эрдэнэ, дүүргийн Засаг дарга Д.Ганболд нар 19 хорооны хэсгийн ахлагч нарт баяр хүргэж үг хэллээ.

“Зөвлөлдөх уулзалт-2015” зөвлөгөөний үеэр 19 хорооны хэсгийн ахлагч нараас гарсан санал хүсэлтийн мөрөөр авч хэрэгхүүлсэн ажлын талаар дүүргийн ЗДТГ-ын Захиргаа, хуулийн хэлтсийн дарга А.Дамцагдорж танилцуулга хийлээ.2015 онд ажлаараа манлайлсан 19 хорооны 65 хэсгийн ахлагчид дүүргийн ИТХ-ын болон Засаг даргын шагналаар шагналаа.