Дүүргийн хөгжлийн бэрхшээлтэй иргэдийн дунд олон төрөлт  тэмцээнийг 23-р сургуулийн спорт зааланд 03 дугаар сарын 15-ны өдөр зохион байгуулж, нээлтэд дүүргийн Биеийн тамир, спорт хорооны дарга Р.Очирпүрэв, Нийтийн биеийн тамирын ахлах дасгалжуулагч Ц.Өлзийбаатар, хороодын нийгмийн ажилтнууд оролцжээ.
Дүүргийн хөгжлийн бэрхшээлтэй 135 иргэн “Хонхот бөмбөг”, “Суугаа волейбол”, “Шатар” гэсэн 3 төрлөөр өрсөлдөж дүнгээ гаргасан байна.
Шатрын тэмцээнд 1-р байрыг 12-р хорооны иргэн С.Лосол, 2-р байрыг 12-р хорооны иргэн М.Бадрах, 3-р байрыг 8-р хорооны иргэн Л.Ёндонжамц, Хонхот бөмбөгийн тэмцээнд 1-р байрыг П.Батбаатар ахлагчтай “Ирвэс” баг, 2-р байрыг С.Баатармөнх ахлагчтай “Бид чадна” баг, 3-р байрыг П.Балдан ахлагчтай “Золбоо” баг эзэлжээ.
Суугаа гар бөмбөг /волейбол/-ийн тэмцээнд 1-р байрыг Баттулга ахлагчтай 3-р баг, 2-р байрыг О.Пүрэвдаваа ахлагчтай 6-р баг, 3-р байрыг Д.Цэрэндэжид ахлагчтай 4-р баг эзэллээ.