Чингэлтэй дүүргийн 1-6-р хорооны Иргэний Танхимаас санаачлан Залуучуудын хөдөлмөрийн төв биржтэй хамтран "Нээлттэй ажлын байрны өдөрлөг"-ийг 2014 оны 09-р сарын 12-ны өдөр Соёл урлагийн дээд сургуулийн гадна талбайд зохион байгуулагдлаа.
Оюутан болон хөдөлмөрийн насны залуучууд, иргэдийг байнгын болон цагийн, түр ажлын байранд үнэ төлбөргүй зуучлахын зэрэгцээ мэргэжилийн чиг баримжаа олгох сургалт, дадлага олгох үүднээс 650 гаруй нээлттэй ажлын байрыг санал болгон ажиллаа.
 Тус өдөрлөгийн хүрээнд нийт 200 гаруй залуучуудыг хамруулж, байнгын ажлын байранд 10 гаруй, түр ажлын байранд 100 гаруй  иргэнийг ажилд зуучиллаа.