Чингэлтэй дүүргийн Иргэдийн Төлөөлөгчдийн хурал
Чингэлтэй дүүргийн Иргэдийн Төлөөлөгчдийн хурал
ӨРХИЙН ХӨГЖЛИЙГ ДЭМЖИХ ЖИЛ ӨРХИЙН ХӨГЖЛИЙГ ДЭМЖИХ ЖИЛНэрэмжит өдөрлөг зохион байгууллаа
2014-08-20
Чингэлтэй дүүргийн Иргэдийн Төлөөлөгчдийн Хурлын Эрх зүй, Төрийн байгууллагын асуудал эрхэлсэн хорооны нэрэмжит өдөрлөг өнөөдөр зохион байгуулагдлаа.Нээлттэй өдөрлөгийг тус дүүргийн 16 дугаар хорооны нутаг дэвсгэрт зохион байгуулсан бөгөөд дүүргийн Иргэдийн Төлөөлөгчдийн Хурлын Эрх зүй, төрийн байгууллагын асуудал эрхэлсэн хорооны дарга Ц.Рэнцэндорж нээж үг хэлсэн юм. Өдөрлөгт хорооны гишүүдээс гадна дүүргийн удирдлагууд оролцов.Өдөрлөгийн үеэр дүүргийн Иргэдийн Төлөөлөгчдийн Хурлын Эрх зүй, Төрийн байгууллагын асуудал эрхэлсэн хороо Цагдаагийн 2 дугаар хэлтэс, Онцгой байдлын хэлтэс, Татварын хэлтэс болон Нийгмийн даатгалын хэлтэстэй хамтран дүүргийн 10-19 дүгээр хорооны иргэдэд мэдээ мэдээлэл хүргэж, зөвлөгөө өгөх ажлыг зохион байгуулсан юм.Хэлтэс, албаны албан хаагчид өөрсдийн эрхэлсэн ажлын хүрээнд иргэдийн сонирхсон асуултад хариулт өгч, иргэдээс хуудсаар санал авснаас гадна мэдээ мэдээлэл зөвлөгөө өгч, хэрэгцээт гарын авлага материалаар хангалаа. Түүнчлэн Онцгой байдлын албан хаагчид 15, 16 дугаар хорооны зарим айл өрхийн хашаагаар орж үер ус, ой хээр, гал түймрийн гамшиг аюулаас хэрхэн сэргийлэх талаар зөвлөгөө хүргэлээ. Мөн энэ үеэр хамтран ажилласан хэлтэс албаныханд дурсамж гардуулав.
